easywords

 میں اِک عام سا لڑکا

اُلجھنیں بَڑی خاص لیے پِھرتا ہوں

غمِ دَوراں سے لڑتا جھگڑتا

مگر چَشمِ تَر میں اِک آس لیے پِھرتا ہوں

سوزِ دل نہ کر سَکوں جب بیاں کسی سے

اپنی ہی شاعری اُداس لیے پِھرتا ہوں

کوئی نہ جان سکا ہے اب تک جو مَنطق میری

اپنے ہی وَہم و گُمان کے_اَرکانِ قِیاس لیے پِھرتا ہوں

مَن کے صحرا میں آرزُؤں کی پیاس لیے پِھرتا ہوں

سَانولی رَنگت کا  اِک عام سا لڑکا

اُلجھنیں بَڑی خاص لیے پِھرتا ہے

 تھی وہ میکدے کی اک نظر 

میں تھا شربِ خمر کا ہمسفر 

تو جو حشر بر پا کرگئی 

میری ساری عمر کا تھا صبر

مجھے قیدی اپنا بنا گئی 

میں جو ہر جگہ کا تھا حر پسند 

میں وصالِ یار کی ضد میں تھا 

وہ کمالِ حسن کی اک جھلک 

میں تھا آنکھ سے باحجاب شخص

وہ تھی آنکھ سے حسنِ ملک

میں جو فخرِ ذاتِ انا میں مست 

وہ انا کی تھی مجھ سے الگ 

میں فراقِ دل سے مرا نہیں 

وہ وصالِ یار کے دکھ سے مرگ

کاظم خمارِ غم کے حصار میں

وہ تھی صنفِ ناز کی ماہ وش

میں ہوں عبد اس معبود کا 

جو ہے قادر و کلِّ خلق کا

مجھے کرب ایسے ملے ہیں 

میری بات بات پہ ہے سسک

 اردو 

    کہیں ریشم، کہیں اطلس، کہیں خوشبو رکھ دوں

       یہ تمنا ہے،  تیری یاد کو  ہرسو رکھ دوں

            یہ تبسم،  یہ تکلم،  یہ نفاست،  یہ ادا

        جی میں آتا ہے تیرا نام میں اردو رکھ دوں

 "‏تُمہیں خبر ہے، تُم آخری تھی؟"

"‏تُمہیں خبر ہے، تُم آخری تھی؟"

سراب جیسا وصال دے کر

پلٹ گئی ہو

مُجھے امیدوں سے تب بھی کوئی امید نا تھی

مُجھے اُمیدوں سے اب بھی کوئی اُمید نہیں  ہے

مگر جلن ہے 

میرا سینہ تندور کر کے پلٹ گئی ہو

تُمہارے سارے گناہ مینے اپنے ہی سر لئے ہیں

تمہیں خبر ہے؟

مَیں زندگی بھر خطائیں کر کے

دُعائیں کر کے نہ گڑگڑایا

تُمہارے بعد اب تُمہاری خاطِر

مُجھے دعاؤں کی لَت لگی ہے

جو تُم سے پہلے کا واقعہ تھا

اُسے تو بس سرسری لیا تھا

مگر مُجھے یہ خبر کہاں تھی

تم آخری ہو؟

سو اب تو آؤ اور آ کے دیکھو  

مَیں عِشقِ تھل کا کوئی پُنَل ہوں

وجود کھاتی ہے ریت جس کا

مذاق اُڑاتی ہے رات جس کا

تُمہیں خبر ہے؟

"سنو گڑیا"

ابھی تم عشق مت کرنا

ابھی گڑیا سے کھیلو تم

تمہاری عمر ہی کیا ہے

فقط سولہ برس کی ہو

ابھی معصوم بچی ہو

نہیں معلوم ابھی تم کو

کہ جب ہی عشق ہوتا ہے

تو انسان کتنا روتا ہے

ستارے ٹوٹ جاتے ہیں

سہارے چھوٹ جاتے ہیں

ابھی تم نے نہیں دیکھا

کہ جب ساتھی بچھڑتے ہیں

تو کتنا درد ملتا ہے

کہ ہر فرقت کے موسم میں

ہزاروں غم ابھرتے ہیں

 ہزاروں زخم کھلتے ہیں

سنو گڑیا میری مانو

پڑھائی پر توجہ دو

کتابوں میں گلابوں کو

کبھی بھولے سے مت رکھنا

کتابیں جب بھی کھولو گی

یہ کانٹوں کی طرح دل میں

چبھیں گے خون بہائیں گے

تمہیں پہروں ستائیں گے

کسی کو خط نہیں لکھنا

لکھائی پکڑی جاتی ہے

بڑی رسوائی ہوتی ہے

کسی کو فون مت کرنا

وہ آوازیں ستاتی ہیں

میری نظمیں نہیں پڑھنا

یہ محشر اٹھا دیں گی

 تمہیں پاگل بنا دیں گی

کاظم کی بات مانو گڑیا

اپنی تقدیر سے تم کھل کے مت لڑنا

ابھی گڑیا سے کھیلو تم

ابھی تم عشق مت کرنا۔