easywords

 یار ہم ہیں نا تیرا ساتھ نبھانے والے 

یہی کہتے تھے مجھے چھوڑ کے جانے والے

کتنی قبریں ہیں میرے دل میں علی تجھے کیا معلوم

کتنے قصے ہیں تجھے دوست سنانے والے😔

 کہانی کار کو قربت سے مسئلہ نہ رہے

ہمارے بیچ ہوا بھر بھی فاصلہ نہ رہے

دعائیں کر کہ ہمیں بد دعا یہ لگ جائے

ہمارے ہاتھ میں کچھ بھی ترے سوا نہ رہے

تو چاہتا ہے کہ تجھ سے میں فاصلے رکھوں

تو چاہتا ہے کہ خوشبو سے واسطہ نہ رہے

کبھی کبھی تو تجھے بدعا بھی دیتا ہوں 

مرے علاوہ ترا کوئی راستہ نہ رہے

 ایک میں ہوں کہ جاتا نہیں در پہ اس کے 

اک وہ ہے کہ صداؤں پہ صدائیں دیئے جا رہا ہے 

ایک میں ہوں کہ کتراتا نہیں گناہوں سے 

اک وہ ہے کہ بے حساب دیئے جا رہا ہے

 یہ جس کی بیٹی کے سر کی چادر کئ جگہ سے پھٹی ہوئ ہے

تم اس کے گاوں میں جا کے دیکھو تو آدھی فصلیں کپاس ہونگی

 ریل دیکھی ہے کبھی سینے پہ چلنے والی

یاد تو ہوں گے تجھے ہاتھ ہلاتے ہوئے ہم 

مطلب کبھی ایسی ریل دیکھی ہے جو سینے پر چلتی ہے 

جس طرح وہ پٹریوں پر چلتی سب کچھ ہلاتے ہوئے

اور چیرتی ہوئی سینے کو

تمہیں یاد تو ہوگا کہ جس طرح تمہیں اس ریل سے جاتے ہوئے دیکھ رہا تھا ہاتھ ہلاتے ہوئے 

تمہارا جانا اسی ریل کی طرح تھا جو میرے دل پر گزر رہی تھی 

مجھے چیرتی ہوئی